तिहारमा पश्चिमी वायुको सामान्य प्रभाव, भाइटीकासम्म यस्तो रहनेछ मौसम

काठमाडौँ। यस वर्ष तिहारको समयमा कुनै उल्लेख्य मौसमी प्रणालीको प्रभाव नरहे पनि पश्चिमी वायुको सामान्य प्रभाव रहने मौसम पूर्वानुमान महाशाखाले जनाएको छ। महाशाखाले तिहार विशेष मौसम बुलेटिन जारी गर्दै देशका पहाडी भू-भागमा आंशिकदेखि साधारणतया बदली हुन सक्ने तथा पहाडी भू-भागका एक-दुई स्थानमा फाटफुट वर्षा र उच्च हिमाली भू-भागमा हल्का हिमपात को समेत सम्भावना रहेको उल्लेख गरेको छ।

लक्ष्मी पूजा (कार्तिक ३) का दिन देशका पहाडी भू-भागमा आंशिक बदली रहनेछ भने बाँकी भू-भागमा मौसम मुख्यतया सफा रहनेछ। कोशी, बागमती, गण्डकी र कर्णाली प्रदेशहरूका पहाडी भू-भागका एक-दुई स्थानमा फाटफुट वर्षाको सम्भावना छ।