खसेको मतभन्दा धेरै भेटिएपछि रास्वपा दैलेखमा तालाबन्दी

काठमाडौं । राष्ट्रिय स्वतन्त्र पार्टी (रास्वपा) दैलेखको प्रथम अधिवेशनमा विवादकाबिच नयाँ नेतृत्व चयन भएको घोषणा गरिएको छ। नयाँ नेतृत्व घोषणा भएको दुईदिनपछि खसेको मत भन्दा धेरै मत भेटिएको भन्दै विवाद सिर्जना भएको हो।

निर्वाचनबाट सभापतिमा बखतबहादुर भण्डारी निर्वाचित भएका थिए। रास्वपा दैलेखको सभापति पदका लागि चार जना आकाङ्क्षी थिए। सर्वसम्मत रूपमा कुरा नमिलेपछि आइतबार साँझ चुनाव भएको थियो। चुनावमा खसेको मतभन्दा १२ मत बढी देखिएपछि रास्वपाको कार्यालयमा तालाबन्दी गरिएको हो।