कांग्रेसमा सूर्यप्रसाद उपाध्याय पुनस्र्थापित

काठमाडौं । नेपाली कांग्रेसका ‘चार महान्’मध्ये एक भनेर चिनिने सूर्यप्रसाद उपाध्याय निधनको ३९ वर्षपछि कांग्रेसमा पहिलो पंक्तिको स्मरणीय नेताका रूपमा पुनस्र्थापित भएका छन् ।

कांग्रेस सभापति शेरबहादुर देउवाले चालू केन्द्रीय समितिको बैठकको समापन सम्बोधन गर्दै भने, ‘हाम्रा पुराना नेता सूर्यप्रसाद उपाध्यायलाई बिपी कोइराला, गणेशमान सिंह र सुवर्ण शमशेरसँगै चार ठूला नेताका रूपमा नाम लिइन्थ्यो, के भएर हो सूर्यबाबुको नाम छुटिरहेको थियो, उहाँलाई पुनस्र्थापना गर्ने निर्णय केन्द्रीय समितिले गरेको छ ।’ अब निश्चित रूपमा नेपाली कांग्रेसका शीर्षस्थ नेताका रूपमा उपाध्यायको तस्बिर कांग्रेस कार्यालयमा झुन्डिनेछ ।