आगामी सिजनको आईपीएलमा देखिएलान् धोनी?

काठमाडौँ- भारतीय क्रिकेट टोलीका पूर्वकप्तान महेन्द्रसिंह धोनीले इन्डियन प्रिमियर लिग (आईपीएल) को आगामी सिजन खेल्ने वा नखेल्नेबारे डिसेम्बर (मंसिर) अघि निर्णय लिने बताएका छन्। उनले आफ्नो फिटनेसको अवस्था चिकित्सकको परीक्षणपछि मात्रै स्पष्ट हुने बताएका हुन्।

शनिबार बेंगलुरुमा आयोजित एक स्वास्थ्यसम्बन्धी कार्यक्रममा धोनीलाई आईपीएलमा आफ्नो भविष्यबारे प्रश्न गरिएको थियो। जवाफमा उनले अर्को सिजन खेल्न सक्ने नसक्ने कुरा चिकित्सकको परीक्षणबाट थाहा हुने बताए।