जो सडकमा ज्यान गुमाउँछन्, तर तथ्याङ्कमा पर्दैनन्

नेपालका सडकहरूलाई प्रायः सङ्कटका रूपमा वर्णन गरिन्छ। तर, तथ्याङ्कले झनै भयानक कथा भन्छ- सडक दुर्घटनाको सङ्कट आधिकारिक रूपमा स्वीकार गरिएभन्दा पनि बढी गम्भीर छ।

प्रायः सबैले उल्लेख गर्ने सरकारी अभिलेखअनुसार ‘नेपालका सडकमा दैनिक करिब सात जनाको मृत्यु हुन्छ।’ तर, विश्व स्वास्थ्य सङ्गठनको प्रतिवेदनअनुसार यो सङ्ख्या सात होइन, २३ छ। यो तथ्याङ्कीय भिन्नता मात्र होइन। यो संस्थागत असफलताको चित्र हो, हाम्रो तथ्याङ्क सङ्कलन प्रणालीको यस्तो चित्र जसले सडक दुर्घटनाका धेरै मृतकहरूलाई देख्दैन, चिन्दैन, गन्दैन र त्यसैले हाम्रो सडक सुरक्षा प्रणालीले कार्य गर्दैन।