एकै दिन ५५ हजारले गरे महोत्सवको अवलोकन

चितवनमा जारी चितवन महोत्सवको एकै दिन शनिबार ५५ हजार बढीले अवलोकन गरेका छन् । चितवन महोत्सव टिकट व्यवस्थापन समितिका संयोजक राजन पियाका अनुसार शनिबार दर्शकको घुइँचो लागेको छ ।

शनिबार विदा परेकाले धेरै दर्शकहरु महोत्सवको अवलोकन गरेको पियाको भनाइ छ । महोत्सव अवलोकनका लागि दर्शकहरुको उपस्थिति धेरै भएपछि टिकट काट्ने स्थान थप गरिएको उनले बताए । संयोजक पियाले महोत्सव भित्र प्रवेश गर्ने थप गेट समेत खुला गरिएको जानकारी दिए ।