हामी प्रविधि चलाउँदै छौँ कि प्रविधिले हामीलाई ?

एक्काइसौँ शताब्दीको सभ्यता एउटा निर्णायक मोडमा उभिएको छ । मानव मस्तिष्कले निर्माण गरेका प्रविधिहरू आज मानव जीवनका गतिविधिहरू सञ्चालन मात्र गरिरहेका छैनन्, तिनले मानिसले संसारलाई बुझ्ने, सम्बन्ध निर्माण गर्ने, निर्णय लिने र भविष्यको कल्पना गर्ने तरिकासमेत परिवर्तन गरिरहेका छन् । कृत्रिम बुद्धिमत्ता, मेसिन लर्निङ, बिग डेटा, रोबोटिक्स र स्वचालित प्रणालीहरूले मानव क्षमताको सीमालाई विस्तार गरिरहेका छन् । तर यही विस्तारभित्र एउटा गम्भीर प्रश्न लुकेको छ मानिसले निर्माण गरेको प्रविधि मानिसकै जीवनमाथि निर्णय गर्ने निर्णायक शक्ति बन्दै जाँदा मानवताको स्थान कहाँ रहनेछ ? सभ्यताको वास्तविक विजय