फेबियन एलेन सुदूरपश्चिम रोयल्समा अनुबन्धित

काठमाडौं । वेस्ट इन्डिजका अलराउन्डर फेबियन एलेन नेपाल प्रिमियर लिग (एनपीएल) को तेस्रो संस्करणका लागि सुदूरपश्चिम रोयल्समा अनुबन्धित भएका छन्।

बायाँहाते ब्याटर तथा स्पिनर ३१ वर्षीय एलेन टी–२० क्रिकेटका अनुभवी खेलाडी हुन्। उनले वेस्ट इन्डिजका लागि २० एकदिवसीय र ४२ टी–२० अन्तर्राष्ट्रिय खेल खेलिसकेका छन् भने विश्वका विभिन्न फ्रेन्चाइज लिगहरूको अनुभव संगालेका छन्।