गण्डकी प्रदेशस्तरीय राष्ट्रपति रनिङ शिल्ड प्रतियोगिता बागलुङमा

गण्डकी। सोह्रौँ गण्डकी प्रदेशस्तरीय राष्ट्रपति रनिङ शिल्ड प्रतियोगिता बागलुङमा हुने भएको छ । आगामी माघभित्र प्रतियोगिता आयोजना हुने प्रदेश खेलकुद परिषद्, गण्डकीका सदस्यसचिव श्रीधर शर्माले जानकारी दिए ।

“अहिले पालिका र जिल्लास्तरमा राष्ट्रपति रनिङ शिल्ड प्रतियोगिता भइरहेका छन्, प्रदेशस्तरीय प्रतियोगिता बागलुङमा गर्ने निर्णय भइसकेको छ, मिति तय हुन बाँकी छ”, उनले भने । उनका अनुसार १५औँ प्रदेशस्तरीय राष्ट्रपति रनिङ शिल्ड प्रतियोगिता गोरखामा भएको थियो ।