चार हिमतालको पानी घटाउने योजना, ६ नदी बेसिनमा बाढीको पूर्वसूचना विस्तार गरिने

सरकारले बाढीको जोखिम घटाउन ४ हिमतालको पानीको सतह घटाउने र ६ नदी बेसिनमा पूर्वसूचना प्रणाली विस्तार गर्ने योजना अघि सारेको छ।

आइतबार सार्वजनिक जल तथा मौसम क्षेत्रसम्बन्धी दुईवटा श्वेतपत्रमा हिमतालबाट हुन सक्ने बाढीको जोखिम न्यूनीकरण, मौसम पूर्वानुमानमा सुधार र जोखिममा रहेका समुदायसम्म समयमै सूचना पुर्‍याउने कार्यक्रम समेटिएका छन्।