सेयर बजारमा बेन्चमार्क सूचकांक ‘एनबीआई’ ल्याइँदै, नेप्सेभन्दा के छ फरक ?

८ असोज, काठमाडौं । नेपाल धितोपत्र बोर्डले सेयर बजारमा बेन्चमार्क सूचकांक विकास गर्नका लागि कार्यपत्र प्रस्तुत गरेको छ । कार्यपत्रमा नयाँ बेन्चमार्क सूचकलाई नेप्से बेन्चमार्क इन्डेक्स (एनबीआई) नाम राख्न सकिने भए पनि नेप्सेले आवश्यक परामर्श गर्न सक्ने बोर्डले जनाएको छ ।

साथै हालको नेप्से परिसूचकलाई ‘नेप्से अल इक्वीटी इन्डेक्स’को रुपमा कायम राख्दै नयाँ सूचक विकास गर्ने तयारी गरिएको हो । बजारमा सर्वसाधारणले खरिदबिक्री गर्ने सेयरको मूल्य घटबढका आधारमा बेन्चमार्क विकास गरिने बोर्डले जनाएको छ । हालको नेप्से परिसूचक सूचीकृत सबै सेयरको कुल बजार पूँजीकरणमा आधारित रहेर गणना हुने गरेको छ ।