सरकारलाई मानवअधिकार समितिको निर्देशन, ‘७७ वटा जिल्लाबाट नै पीसीआर परीक्षण गर्ने व्यवस्था गर्नु’

काठमाडौं : प्रतिनिधिसभाको कानून, न्याय तथा मानवअधिकार समितिले कोभिड १९ संक्रमण देशभर फैलिरहेको अवस्थामा ७७ वटा जिल्लामा नै पीसीआर विधिबाट स्वाब संकलन गर्ने व्यवस्था सरकारलाई निर्देशन दिएको छ।

शुक्रवार समितिका सभापति कृष्णभक्त पोखरेलका अध्यक्षतामा बसेको भर्चुअल बैठकले कोभिड१९ को संक्रमण फैलिएकाले ७७ जिल्ला सदरमुकामबाट पीसीआर परीक्षण गर्ने प्रबन्ध मिलाउन निर्देशन दिएको हो। साथै कन्ट्याक्ट ट्रेसिङको कार्यलाई पनि प्रभावकारी र व्यवस्थित गराउन सरकारलाई समितिले भनेको छ।