एकै दिन नेपाल टेलिकमका ७० कर्मचारी सतर्कता केन्द्रको कारबाहीमा, मन्त्रालयमा पनि समस्या उस्तै

काठमाडौं । सरकारी कार्यालयहरूमा सेवा प्रवाह, कर्मचारीको समय पालना र पोसाक व्यवस्थापनमा चरम लापर्बाही रहेको पाइएको छ । राष्ट्रिय सतर्कता केन्द्रले मङ्गलबार गरेको छड्के अनुगमनका क्रममा एकै दिन नेपाल टेलिकमका ७० जना कर्मचारी कारबाहीमा परेका हुन् ।

टेलिकममा मात्र नभएर सिंहदरबारस्थित विभिन्न मन्त्रालय र विभागहरूको अवस्था पनि उस्तै निराशाजनक देखिएको छ । सतर्कता केन्द्रले कार्यालयको सेवा प्रवाह, कर्मचारीको समय, पोसाक र आचरण पालनाको सन्दर्भमा अनुगमन गरेको थियो ।