अभिराम शर्मा र लक्ष्मी महतोलाई पाँच वर्ष कैद

जनकपुर। उच्च अदालत जनकपुरले जिल्ला अदालतको फैसला आंशिक रूपमा उल्टाउँदै केही अभियुक्तलाई कैद सजाय सुनाएको छ।

मधेस आन्दोलनका क्रममा सशस्त्र प्रहरीका असई थमन विकको हत्या प्रकरणमा प्रदेश सभा सदस्य अभिराम शर्मा र पूर्वसांसद लक्ष्मी महतो कोइरीलाई पाँच वर्ष कैद सजाय सुनाइएको हो। महतो नेकपा एमालेबाट निर्वाचित पूर्वसांसद हुन्। उनी महोत्तरी १ बाट निर्वाचित भएका थिए।