वैदेशिक रोजगारीबाट फर्किएकाको स्वास्थ्य परीक्षण शहीद धर्मभक्तमा

काठमाडौं । केही दिनअघि संयुक्त अरब इमिरेट्स (यूएई)मा स्वास्थ्य तथा जनसंख्यामन्त्री प्रदीप पौडेलले वैदेशिक रोजगारीमा रहेका नेपाली कामदारको उपचार तथा मानसिक स्वास्थ्य परामर्शका लागि महत्वपूर्ण निर्णय गरेका थिए ।

मन्त्री पौडेलले बिदेसिएका श्रमिकलाई स्वदेशमा फर्कंदा तथा त्यहीं रहँदा परेका स्वास्थ्य समस्या समाधानका लागि अघि बढाएको योजनाअनुसार काम गर्नेगरी भक्तपुरस्थित शहीद धर्मभक्त राष्ट्रिय प्रत्यारोपण केन्द्रले काम थाल्ने निर्णय गरेको छ । सो समय मन्त्री पौडेलले केही दिनभित्रै वैदेशिक रोजगारीमा रहेका तथा वैदेशिक रोजगारीबाट फर्किएकाहरूको स्वास्थ्य रक्षाका लागि निर्णय गर्ने घोषणा गरेका थिए । जसका लागि उनले यूएईका स्वास्थ्य विभाग अध्यक्षसँगसमेत वार्ता गरेका थिए ।