प्रिमियर लिग फुटबलमा फोरेस्टमाथि सिटीको सहज जित

इङ्लिस प्रिमियर लिग फुटबलमा म्यानचेस्टर सिटीले नोटिङघम फोरेस्टलाई हराएको छ। शनिबार इतिहाद मैदानमा सिटीले फोरेस्टलाई २-० ले हराएको हो ।

दोस्रो हाफ १० खेलाडीमा सिमित सिटीलाई जित दिलाउन फिल फोडिन र इर्लिङ हालाण्डले गोल गरेका थिए। पहिलो हाफमा गरेको दुई गोल सिटीलाई जित दिलाउन पर्याप्त रह्यो। खेलको सातौं मिनेटमा फोडिनले दिलाएको अग्रतालाई १४ औँ मिनेटमा हालान्डले दोब्बर बनाएका थिए।