कोअपरेटिभ म्यानेजर्स क्लब काभ्रेमा दाहालको नेतृत्व

काठमाडौं । कोअपरेटिभ म्यानेजर्स क्लब काभ्रेको अध्यक्षमा पनौतीमा केन्द्रीय कार्यालय रहेको ज्योति मिर्मिरे सामूहिक बचत तथा ऋण सहकारी संस्था (साकोस)का प्रमुख कार्यकारी अधिकृत गोपाल दाहाल चयन भएका छन् । क्लबको तेस्रो वार्षिक साधारणसभाले दाहालको अध्यक्षतामा नयाँ कार्यसमिति निर्विरोध चयन गरेको हो ।

क्लबको उपाध्यक्षमा आर्थिक विकास मित्र साकोस पाँचखालका प्रमुख कार्यकारी अधिकृत ठाकुरनाथ अधिकारी, सचिवमा आभास साकोस, बनेपाका प्रमुख कार्यकारी अधिकृत सुवास वैद्य र कोषाध्यक्षमा लक्ष्मी महिला साकोस काभ्रेका मनोज रायमाझी चयन भएका छन् ।