सहकारी सचिवमा केदारनाथ शर्मा

काठमाडौं । सरकारको हालैको निर्णयअनुसार केदारनाथ शर्मालाई भूमि व्यवस्था, सहकारी तथा गरिबी निवारण मन्त्रालयको सचिवको जिम्मेवारी दिइएको छ ।

गत सोमबार साँझ बसेको मन्त्रिपरिषद्को बैठकले शर्मालाई मन्त्रालयमा सचिवका रूपमा सरुवा गर्ने निर्णय गरेको हो । यसअघि शर्मा कोशी प्रदेश सरकारका प्रमुख सचिवका रूपमा कार्यरत थिए । उनी सरकारको प्रशासनिक संरचनामा दीर्घ अनुभव बोकेका एक वरिष्ठ कर्मचारी हुन् ।