सामुदायिक शिक्षाको गुणस्तर कसरी सुधारिन्छ?

नेपालमा सामुदायिक विद्यालयको शैक्षिक गुणस्तरका विषयमा बहस हुँदै आएको धेरै वर्ष भयो। सामुदायिक विद्यालयको गुणस्तर अपेक्षित रूपमा सुधार हुन नसकेको, विद्यार्थीको सिकाइ उपलब्धि कमजोर रहेको, अभिभावकको सामुदायिक विद्यालयप्रतिको आकर्षण घट्दै गएको जस्ता गुनासा बारम्बार सुनिन्छन्।

तर सामुदायिक विद्यालयको गुणस्तरबारे प्रश्न उठाउँदा एउटा आधारभूत प्रश्न भने प्रायः ओझेलमा पर्छ— विद्यालयलाई गुणस्तरीय शिक्षा प्रदान गर्न आवश्यक स्रोतसाधन, शिक्षक, पूर्वाधार र व्यवस्थापकीय क्षमता पर्याप्त रूपमा उपलब्ध गराइएको छ कि छैन?