प्रधानाध्यापक र लेखाशाखा मिलेर खाइदिए शिक्षकको सबै तलब र भत्ता

उदयपुर : उदयपुरको त्रियुगा नगरपालिका–३ स्थित रामजानकी माध्यमिक विद्यालयका प्रधानाध्यापक र लेखाशाखा मिलेर शिक्षकहरुको तलब भत्ता अनियमिता गरेको पाइएको छ।

शिक्षकको कर्मचारी सञ्चय कोष, नागरिक लगानी कोष र सामाजिक सुरक्षा कर जम्मा नगरेको र तलब भत्ता नपाएको भन्दै शिक्षकहरुले प्रेस विज्ञप्ति जारी गर्दै प्रशासनमा उजुरी गरेका छन्। राज्यले दिएको सेवा सुविधा जम्मा नगरी बैंकको नक्कली भौचर बनाएर लेखापालले विद्यालयमा पेस गरेका शिक्षकहरुले बताएका छन्।