यी हुन् एनपीएल महाकुम्भबारे जान्नैपर्ने कुरा : के हुँदैछ नयाँ ?

काठमाडौँ- सोमबारदेखि नेपाली क्रिकेटको महाकुम्भ नेपाल प्रिमियर लिग (एनपीएल) सुरु हुँदैछ । एनपीएलको तेस्रो संस्करणको उद्घाटन खेलमा सोमबार साँझ पाँच बजे लुम्बिनी लायन्स र सुदूरपश्चिम रोयल्स भिड्दै छन् । यी दुई टिम साविक फाइनलिस्ट हुन् । अघिल्लो सिजन लुम्बिनीले सुदूरपश्चिमलाई ६ विकेटले हराउँदै उपाधि उचालेको थियो ।

एनपीएलका लागि कीर्तिपुरस्थित त्रिभुवन विश्वविद्यालयको क्रिकेट रंगशालामा सम्पूर्ण तयारी पूरा भइसकेको छ । मैदानलाई बेहुलीझैँ सिँगारिएको छ । खेलको प्रत्यक्ष प्रसारणका लागि क्यामेरा, फ्लडलाइटको परीक्षण, यस सिजनबाट सञ्चालनमा ल्याउन लागिएको डिसिजन रिभ्यू सिस्टम (डीआरएस) का लागि आवश्यक प्रविधि जडानका कार्य सम्पन्न भइसकेको छ ।