बाबाको आश्रम!

बिहानै पाँच बजे सिरानीमाथि राखिएको अलार्मले निद्राबाट ब्युँझाइदियो। हतार-हतार उठेर आफ्नो नित्यकर्म सकेपछि हिजो बेलुका प्याक गरेको झोला र सुटकेसहरूलाई फेरि एकपटक चेक गरेँ। पासपोर्ट, हवाई टिकट र केही डलर पैसा कमरमा बाँधिएको पेटी-ब्यागमा राखेँ।

ल्यापटप र केही अरू महत्त्वपूर्ण कागजातहरू ह्यान्डक्यारीमा राखेपछि सबै कुरा ठिकठाक छ भन्ने कुरामा विश्वस्त भई उबरमार्फत ट्याक्सी बोलाएँ। पाँच मिनेटमै बोलाएकै ठाउँमा ट्याक्सी आइपुग्यो। ट्याक्सी चालकलाई सघाउँदै पालैपालो सबै सामानहरू ट्याक्सीमा लोड गरेँ। ढिलो नगरीकन क्यानबेरा अन्तर्राष्ट्रिय विमानस्थलतर्फ हानिएँ।