साउदीमा फेरि क्षेप्यास्त्र र ड्रोन आक्रमण, धम्कीबीच खुले रियाद विमानस्थलका दुई टर्मिनल

साउदी अरबको राजधानी रियाद र दक्षिणी क्षेत्रमा आइतबार फेरि क्षेप्यास्त्र तथा ड्रोन प्रहार भएका छन्। साउदी नेतृत्वको सैन्य गठबन्धनले ती आक्रमण रोकेको जनाएको छ।

आक्रमणको जोखिम कायम रहेकै बेला रियादको किङ खालिद अन्तर्राष्ट्रिय विमानस्थलका दुई टर्मिनलबाट उडान पुनः सञ्चालन गरिएको छ।