हेरिटेज रनमा महिलातर्फ कृतिका र पुरुषतर्फ सलमान विजेता
neplays.com · Sun Oct 25 13:54:00 GMT 2026

काठमाडौं । काठमाडौं महानगरपालिकाले एनएसआर स्पोर्टस फाउन्डेसन (काठमाडौं म्याराथन)सँगको सहकार्यमा आयोजना गरेको १० हजार मिटर काठमाडौं फिल्म फेस्टिभल हेरिटेज रन (सम्पदा दौड)मा महिलातर्फ कृतिका ह्याउमिखाले ५१ मिनेट ५८.५ सेकेण्ड र पुरुषतर्फ सलमान शेखले ३८ मिनेट ५६ सेकेण्डमा निर्धारित दुरी पार गरेर विजेता बनेका छन् ।
आज बसन्तपुरबाट सुरु भएर १० हजार मिटर दुरी पार गरिसकेपछि बसन्तपुरमै समापन भएको दौडमा महिलातर्फ जेनिशा राईले ५४ मिनेट २३ सेकेण्ड, निशा महर्जनले ५८ मिनेट २५.८ सेकेण्डमा दुरी पार गर्दै क्रमशः दोस्रो र तेस्रो स्थान हासिल गरे । यस्तै पुरुषतर्फ समीर कन्दङ्वाले ४० मिनेट २५.८ सेकेण्डमा र सुरज शाहीले ४४ मिनेट २२.८ सेकेण्डमा दुरी पार गरेर क्रमशः दोस्रो र तेस्रो स्थान हासिल गरे ।
स्रोतमा पूरा पढ्नुहोस् (neplays.com)