नेकपामा विवाद चुलिएका बेला चिनियाँ राजदूतले माधव नेपालसँग भेटिन्

प्रधानमन्त्री केपी शर्मा ओलीको राजीनामाको माग गर्दै सत्तारुढ दलभित्र चरम विवाद भइरहेका बेला नेपालका लागि चिनियाँ राजदूत होउ यान्छीले वरिष्ठ नेता माधवकुमार नेपालसँग भेट गरेकी छन्।

नेकपाको निर्णायक हुनसक्ने अनुमान गरिएको स्थायी कमिटी बैठक सोमबारका लागि तय भएको छ। सो बैठकको पूर्वसन्ध्यामा आइतबार साँझ राजदूत होउले पूर्वप्रधानमन्त्री नेपाललाई भेट गरेकी हुन्।