दुई दिनको व्यापारपछि क्यूएफएक्सले भन्यो- 'कबड्डी ५' सुपरहिट!

रामबाबु गुरूङ निर्देशित फिल्म 'कबड्डी ५: आफ्टर द फाइनल म्याच'ले प्रदर्शनको दुई दिनमै 'सुपरहिट'को ट्याग पाएको छ।

देशकै सबभन्दा ठूलो मल्टिप्लेक्स चेन क्यूएफएक्स सिनेमाजले आइतबार बिहान आफ्नो आधिकारिक वेबसाइटमार्फत फिल्मलाई ‘सुपरहिट’ घोषणा गरेको हो। शुक्रबारदेखि प्रदर्शनमा आएको फिल्मले क्यूएफएक्सका हलहरूमा दुई दिनमै डेढ करोड रूपैयाँभन्दा बढीको व्यापार गरेपछि यो मान्यता पाएको हो।