एमालेको संकल्प यात्रा र पप्पुलाई रातो कार्पेट

एमालेको १ हजार ७ सय ७९ किलोमिटरको संकल्प यात्रा बैतडीको झुलाघाटमा बिहीबार सुरु भयो । ‘सम्बन्ध स्थानीय, सन्देश राष्ट्रिय’ को नारासहित सुरु गरिएको १९ दिने यात्राले प्रचण्ड सरकारको कमीकमजोरीको भण्डाफोर गर्दै आफ्नो संगठन बलियो पार्ने नीति लिएको छ ।

यात्राको उद्देश्य कति पूरा हुन्छन्, आगामी दिनमा देखिने नै छ । तथापि यात्राको उद्देश्यअनुरूप यात्रारत नेताहरूको नैतिक पक्ष र सार्वजानिक छविले पनि धेरै कुरामा फरक पार्छ । नेताहरूमा नैतिक पक्ष राम्रो भए, सोहीअनुरूप बोलीवचन र भाषण भए, इमान्दार छवि भए निश्चय नै यस्ता संकल्प यात्राहरूले संगठनलाई फाइदा पुर्‍याउँछ ।