कोरोनाको उद्गमस्थल ऊहानमा जब हजारौं मानिस बिना मास्क स्वीमिङ पुलमा देखिए....

एजेन्सी । विश्वभर महामारीका रुपमा फैलिरहेको कोरोना महामारीको उद्गमस्थल चीनको ऊहानमा एक पुल पार्टी (स्विमिङ पुल) ले यसबेला सबैका ध्यान खिचेको छ । सो पार्टीका तस्बिरहरु अहिले सामाजिक सञ्जालहरुमा भाइरल भैरहेका छन् । उक्त पार्टीमा हज्जारौं व्यक्तिहरु बिना मास्क सहभागी भएका देखिन्छन् । जानकारी अनुसार यस पार्टीको आयोजना गत हप्ता गरिएको थियो ।

माया बीच वाटरपार्कमा भएको सो पार्टीमा म्युजिकल कन्सर्टको समेत आयोजना गरिएको थियो । सो भीडमा न त कसैले मास्क लगाएका थिए, न त कसैले सामाजिक दूरी नै कायम गरेका थिए । जबकी यही शहरबाट कोरोना संक्रमणको महामारी शुरु भएर अहिले विश्वलाई नै हायलकायल पारिरहेको छ ।