बेन्जेमा रियलको विजयी यात्रामा पूर्णविराम

१० खेलाडीमा सीमित ओसासुनाले साबिक विजेता रियल मड्रिडलाई स्पेनिस ला लिगामा १–१ को बराबरीमा रोक्न सफल भएको छ । करिम बेन्जेमाले पेनाल्टीबाट गोल गर्न चुकेपछि रियलले यो सिजन अंक गुमाएको यो पहिलोपटक हो ।

खेल १–१ को बराबरीको अवस्थामा रहेका बेला ८० औँ मिनेटमा बेन्जेमाले हानेको पेनाल्टी क्रसबारमा लाग्न पुगेको थियो । पहिलो हाफको अन्त्यतिर भिनिसियस जुनियरले रियललाई खेलमा अग्रता दिलाएका थिए । तर, दोस्रो हाफको सुरुवातमा नै किके गार्सियाले खेल बराबरी गरे ।