बालबालिकालाई रुखमा बाँधेर कुटपिट गरेको आरोपमा ४ जना महिला पक्राउ

काठमाडौँ । बारा प्रहरीले चार जना बालबालिकालाई सार्वजनिक स्थानमा डोरीले बाँधेर कुटपिट गरेको आरोपमा चार जनालाई महिलालाई बुधबार पक्राउ गरेको छ।

जिल्ला प्रहरी कार्यालय बाराका अनुसार मङ्गलबार बिहान करिब ९ बजे जितपुर सिमरा उपमहानगरपालिका–१६, टांगिया बस्तीस्थित सार्वजनिक चौतारामा मोबाइल चोरीको आरोप लगाउँदै चार जना बालबालिकालाई बरको रुखमा डोरीले बाँधेर कुटपिट गरिएको घटनापछि प्रहरीले अनुसन्धान थालेको थियो।