रुकुम घटनाबारे गृहको प्रतिवेदन सार्वजनिक : योजना बनाएरै सांघातिक आक्रमण

काठमाडौं । पश्चिम रुकुमको चौरजहारीमा ६ जनाको ज्यान जाने गरी भएको घटना पूर्वयोजनाअनुसार नै भएको गृह मन्त्रालयको छानबिन समितिले निष्कर्ष निकालेको छ ।

गृह मन्त्रालयका सहसचिव जितेन्द्र बस्नेतको संयोजकत्वमा गठित पाँच सदस्सीय छानबिन समितिले चौरजहारी घटना पूर्वयोजनाअनुसार नै भएको निष्कर्ष निकालेको हो । समितिको निष्कर्षसहितको विस्तृत प्रतिवेदन सोमबार गृह मन्त्रालयले सार्वजनिक गरेको छ ।