कुमार विकको खुट्टा छिनाल्ने आरोपितको जुत्तामा जब रगत देखियो...

काठमाडौं । तुलसीपुरमा खुट्टा छिनाल्ने गरि भएको घटनामा संलग्न भएको आरोपमा पक्राउ परेका दुई जनालाई प्रहरीले सार्वजनिक गरेको छ । घटनामा संलग्न भएको आरोपमा पक्राउ परेका तुलसीपुर उपमहानगरपालिका( १६ का २२ वर्षीय पवन चौधरी र १० पड्डा बस्ने २४ वर्षीय अमृत चौधरीलाई इलाका प्रहरी कार्यालय तुलसीपुरले शुक्रवार पत्रकार सम्मेलन गरी सार्वजनिक गरेको हो ।

प्रहरीले अनुसन्धानको क्रममा पक्राउ गरेका अभियुक्तहरुले लगाएको जुत्तामा रगत देखेपछि उनीहरुलाई पक्राउ गर्न सफल भएको हो । प्रारम्भिक अनुसन्धान गर्ने क्रममा उनीहरुले अपराध स्वीकार गरीसकेको तुलसीपुरका प्रमुख डीएसपी शिवबहादुर सिंहले जानकारी दिए ।