नेकपा सचिवालय : दुई अध्यक्षले सुरुमै बिनातयारी बोलाइएको भनेपछि यसरी सकियो बैठक

सत्तारुढ दल नेपाल कम्युनिष्ट पार्टीका दुई अध्यक्षबीच मन्त्रिपरिषद् पुनर्गठन र पार्टी एकीकरणको विषयमा निर्णय गर्न थप समय लाग्ने भएको छ।

जसको प्रभाव मंगलबारको सचिवालय बैठकमा पनि देखियो। बैठकमा कुनै ठोस एजेण्डामा प्रवेश नै नगरी सकिएको थियो। अध्यक्ष तथा प्रधनमन्त्री केपी शर्मा ओली र पुष्पकमल दाहाल प्रचण्डबीचमा सहमति नजुटेकै कारण पार्टी एकीकरणको बाँकी काम सम्पन्न गर्ने र मन्त्रिमण्डल पुनर्गठन समेत ढिलाई भएको एक सचिवालय सदस्यले बताएका छन्।