केही भू-भागमा मेघ गर्जनसहित वर्षा हुने, केही प्रदेशमा हावाहुरी आउने

नेपालको मौसममा स्थानीय वायु, पश्चिमी वायुको आंशिक प्रभाव रहेको छ । त्यस्तै भारतको पश्चिम उत्तरप्रदेशदेखि पश्चिम बंगलादेशसम्म फैलिएको न्यूनचापीय क्षेत्रको पनि आंशिक प्रभाव रहेको मौसम पूर्वानुमान महाशाखाले जानकारी दिएको छ ।

अहिले देशभर आंशिकदेखि साधारणतया बदली भइरहेको छ भने कोशी र गण्डकी प्रदेशका एक-दुई स्थानमा मेघ गर्जन र चट्याङसहित हल्का वर्षा भइरहेको महाशाखाले जनाएको छ ।