वन्यजन्तु र छाडा चौपाया समस्या समाधानका लागि प्रविधि र योजना ल्याउन सांसद भाटको माग

काठमाडौँ । राष्ट्रिय प्रजातन्त्र पार्टी (राप्रपा) का सांसद ताहिर अलि भाटले वन्यजन्तु तथा छाडा चौपायाका कारण सिर्जित समस्या समाधानका लागि प्रभावकारी योजना ल्याउन सरकारसँग माग गरेका छन्।

प्रतिनिधि सभा अन्तर्गतको कृषि तथा प्राकृतिक स्रोत समितिको सोमबार बसेको बैठकमा बोल्दै सांसद भाटले वन्यजन्तु संरक्षण र मानव–वन्यजन्तु द्वन्द्व न्यूनीकरणका लागि आधुनिक प्रविधिको प्रयोगमा जोड दिए। बाघमा ट्रान्समिटर जडान गर्ने र हात्तीको आवतजावत ट्रयाक गर्नेजस्ता कार्यले संरक्षणमा मद्दत पुग्ने बताउँदै सो कार्यलाई निरन्तरता दिन उनले आग्रह गरेका छन्।