‘गरिब र विपन्न परिवारका बस्तीमा मात्रै डोजर नचलाइयोस्’

काठमाडौँ- राष्ट्रिय स्वतन्त्र पार्टीका सांसद मनिष झाले जनकपुरधाममा सार्वजनिक जग्गा तथा पोखरी अतिक्रमण गरी बनाइएका संरचना हटाउने अभियानमा ‘सानालाई ऐन, ठूलालाई चयन’ हुने अवस्था आउन नहुने बताएका छन्।

प्रतिनिधिसभाको सोमबारको बैठकमा आकस्मिक समयमा बोल्दै सांसद झाले शनिबारदेखि जनकपुरधाममा सार्वजनिक जग्गा र पोखरी अतिक्रमण गरी बनाइएका संरचना हटाउन डोजर चलिरहेको बताउँदै हालसम्म ७ वटा पोखरी र ६५ वटा घर खाली गराइएको जानकारी गराए।