वर्षामा सस्तो बिजुली, धेरै खपत गर्ने उद्योगलाई थप सहुलियत

काठमाडौं । सरकारले वर्षायाममा उत्पादन हुने अतिरिक्त विद्युत् स्वदेशमै खपत बढाउने उद्देश्यले मौसमी विद्युत् महसुल लागू गर्ने तथा धेरै विद्युत् खपत गर्ने उद्योग र ग्राहकलाई सहुलियत दरमा बिजुली उपलब्ध गराउने तयारी थालेको छ ।

ऊर्जा, जलस्रोत तथा सिँचाइमन्त्री विराजभक्त श्रेष्ठले विराटनगरमा मोरङ उद्योग व्यापार सङ्घ र उद्योग सङ्गठन मोरङका प्रतिनिधिसँगको छलफलका क्रममा यस्तो जानकारी दिएका हुन् ।