तीन सवारीसाधन एकापसमा ठोक्किँदा मोटरसाइकल चालकको मृत्यु, एक घाइते

काठमाडौँ । भरतपुर महानगरपालिका–१ आँपटारीमा तीनवटा सवारीसाधन एकापसमा ठोक्किँदा एक जनाको मृत्यु भएको छ भने अर्का एक जना घाइते भएका छन्।

जिल्ला प्रहरी कार्यालयका सूचना अधिकारी चन्द्रभूषण यादवका अनुसार नारायणगढबाट रामनगरतर्फ गइरहेको मोटरसाइकललाई विपरीत दिशाबाट आएका ट्रक र कारले आज बिहान एकापसमा ठक्कर दिएका थिए। दुर्घटनामा गम्भीर घाइते भएका मोटरसाइकल चालक भरतपुर महानगरपालिका–१३ का २१ वर्षीय सन्देश विष्टको चितवन मेडिकल कलेजमा उपचारका क्रममा मृत्यु भएको हो।