नियुक्तिको ३ सातापछि लगानी बोर्डकी सीईओ यांकी उक्याबद्वारा पदभार ग्रहण

काठमाडौं । लगानी बोर्ड नेपाल (आईबीएन) को नवनियुक्त प्रमुख कार्यकारी अधिकृत (सीईओ) यांकी उक्यावले आज (सोमबार) बाट पदभार गरेकी छिन् । नवनियुक्त प्रमुख कार्यकारी अधिकृत (सीईओ) ले आजै प्रधानमन्त्री तथा मन्त्रिपरिषद्को कार्यालयबाट आफ्नो औपचारिक नियुक्ति पत्र ग्रहण गरेकी हुन् ।

मन्त्रिपरिषद्को गत साउन २० गतेको निर्णयले उक्यावलाई बोर्डको सिइओमा नियुक्त गरेको थियो । सार्वजनिक–निजी साझेदारी तथा लगानी ऐन, २०७५ अनुसार नेपाल सरकारले खुला प्रतिस्पर्धात्मक छनोट प्रक्रियामार्फत नियुक्त गर्ने सीईओको कार्यकाल ४ वर्ष तोकिएको छ । सरकारले नियुक्त गरेको ३ सातापछि उनले लगानी बोर्डको नेतृत्व सम्हालेकी हुन् ।