थमन विक हत्या प्रकरणः जिल्ला अदालतको फैसला उल्टियो, पूर्वसांसद लक्ष्मी महतोलाई पाँच वर्ष कैद

जनकपुरधाम – सशस्त्र प्रहरीका असई थमन विक हत्या प्रकरणमा उच्च अदालत जनकपुरले महोत्तरी जिल्ला अदालतको फैसलालाई केही उल्टी गरेको छ। बुधबार न्यायाधीशद्वय टेकनारायण कुँवर र मुरारीबाबु श्रेष्ठको इजलासले महोत्तरी जिल्ला अदालतको फैसलाले एमालेका पूर्व सांसद लक्ष्मी महतो कोइरीलाई सफाइ दिएकोमा त्यसलाई उल्टी गरेको हो। यस्तै जन्मकैदको सजाय पाएकाहरुलाई पाँच वर्षको कैद सुनाएको हो।