तालिममा अर्बौं सिकाइमा खडेरी

शिक्षकको क्षमता विकासका लागि सरकारले चार वर्षमा दुई अर्ब ६७ करोड ६ लाख रुपैयाँ खर्च गरेको छ तर शैक्षिक गुणस्तर परीक्षण केन्द्रको राष्ट्रिय उपलब्धि परीक्षण (नासा) को नतिजाले विद्यालय तहका विद्यार्थीको सिकाइ अवस्था कमजोर रहेको देखाएको छ।

कक्षा ५ का ७८ प्रतिशत विद्यार्थी गणितमा न्यूनतम सिकाइ उपलब्धिको तहभन्दा तल छन्। कक्षा १० मा गणितमा ६० प्रतिशत, विज्ञानमा ५०.१ प्रतिशत र नेपालीमा ५३.८ प्रतिशत विद्यार्थी न्यूनतम दक्षताको तहमा पुग्न सकेका छैनन्।