आजदेखि तेस्रो एनपिएल

एनपिएलको तेस्रो संस्करण त्रिवि अन्तर्राष्ट्रिय क्रिकेट मैदानमा सोमबार सुरु हुँदै छ । पहिलो र दोस्रो संस्करण अत्यधिक रूपमा सफल भएपछि नेपाल क्रिकेट सङ्घ (क्यान) समक्ष तेस्रो एनपिएल अझ बढी उत्कृष्ट गर्ने ठुलो चुनौती तेर्सिएको छ ।

क्यानका अध्यक्ष चतुरबहादुर चन्दले आइतबार आयोजित पत्रकार सम्मेलनमा एनपिएल तेस्रो संस्करणसम्म पुग्दा अझ विशिष्ट हुँदै छ भन्नुभयो । “उत्कृष्ट खेलाडीहरूको सहभागिता, डिआरएसको आगमन र एनपिएलमा बढ्दै गएको कारोबारले यो प्रतियोगिता थप विशिष्ट बन्ने छ,” उहाँले भन्नुभयो । यसै गरी यो एनपिएल रसुवा बाढीले दिएको पीडालाई भुलाउने माध्यम हुन सक्ने उहाँको भनाइ छ ।