वीरगंजमा सांसद र डाक्टरसमेत थप ६४ जनामा कोरोना संक्रमण पुष्टि

वीरगंजः पर्सामा थप ६४ जनामा कोरोना संक्रमण पुष्टि भएको छ। संक्रमण पुष्टि हुनेमा पर्सा १ का सांसद प्रदीप यादव पनि छन्। यादवका निजी सुरक्षाकर्मी र चालकको पनि संक्रमण पुष्टि भएको छ।

नारायणी अस्पतालले शुक्रबार राति सार्वजनिक गरेको रिपोर्ट अनुसार नारायणी अस्पतालकै एक डाक्टरमा पनि संक्रमण पुष्टि भएको छ। यस्तै, एक जना पारामेडिक स्टाफलाई पनि संक्रमण पुष्टि भएको छ।