कात्तिक १७ देखि अपि हिमाल पर्यटन उत्सव, प्रधानमन्त्री शाहलाई निमन्त्रणा

दार्चुला। दार्चुलाको अपि हिमाल गाउँपालिकामा कात्तिक १७ देखि १९ गतेसम्म तीनदिने ‘अपि हिमाल पर्यटन उत्सव’ आयोजना हुने भएको छ। पर्यटन प्रवर्द्धन, स्थानीयस्तरमा रोजगारी र आयआर्जनका अवसर विस्तार तथा ग्रामीण अर्थतन्त्रलाई चलायमान बनाउने उद्देश्यले उत्सव आयोजना गर्न लागिएको हो।

अपि हिमाल क्षेत्रलाई सुदूरपश्चिम प्रदेशकै प्रमुख पर्यटकीय गन्तव्यका रूपमा स्थापित गर्ने लक्ष्यसहित उत्सवमार्फत १० हजार पर्यटक भित्र्याउने योजना रहेको गाउँपालिका अध्यक्ष भक्तसिंह ठेकरे बोहराले जानकारी दिए।