एल क्लासिकोमा बार्सिलोनालाई हराउँदै रियल म्याड्रिड विजयी

काठमाडौं– स्पेनिस ला लिगाअन्तर्गत बहुप्रतीक्षित एल क्लासिकोमा रियल म्याड्रिडले चिरप्रतिद्वन्द्वी बार्सिलोनालाई २–१ गोलअन्तरले पराजित गरेको छ। गएराति सम्पन्न खेलमा जित निकाल्दै रियलले लिगको शीर्ष स्थानमा रहेको बार्सिलोनासँगको अंक दूरी घटाएको हो।

बार्सिलोनाको घरेलु मैदानमा भएको प्रतिस्पर्धात्मक खेलमा रियल म्याड्रिडका लागि किलियन एम्बाप्पेले उत्कृष्ट प्रदर्शन गरे। उनले खेलको ४१औँ मिनेटमा गोल गर्दै रियललाई पहिलो हाफमा १–० को अग्रता दिलाएका थिए।