एमालेबाट जितेर दल फेरेका तीन वडा अध्यक्षसहित आठ जनप्रतिनिधि पदमुक्त

ओखलढुंगा : निर्वाचन आयोगले नेकपा (एमाले) बाट निर्वाचित भई चुनावको मुखमा अन्य राजनीतिक दलमा प्रवेश गरेका ओखलढुङ्गाका तीन जना वडा अध्यक्षसहित देशभरका आठ जना स्थानीय जनप्रतिनिधिहरूको पद स्वतः रिक्त भएको घोषणा गरेको छ ।

२०७९ सालको स्थानीय तह निर्वाचनमा एमालेको टिकटबाट विजयी भएका ओखलढुङ्गाका मोलुङ गाउँपालिका–१ का वडा अध्यक्ष कमलबहादुर बानिया, सोही गाउँपालिका–६ का कमल तामाङ र चम्पादेवी गाउँपालिका–७ का वडा अध्यक्ष सुरेशकुमार थापा एमाले परित्याग गरी नेकपामा प्रवेश गरेपछि उनीहरू पदमुक्त भएका हुन् ।