गणेशमानको जीवनमा आधारित ‘वीर गणेशमान’ नाटक मञ्चन हुने

काठमाडौं । गणेशमान सिंहको जीवनीमा आधारित रहेर सर्वनाम थिएटरमा नाटक मञ्चन हुने भएको छ । अशेष मल्लको परिकल्पना, नाट्यरुपान्तरण र निर्देशनमा ‘वीर गणेशमान’ नाटक मञ्चन हुने भएको हो ।

नाटकमा नेपालको प्रजातान्त्रिक आन्दोलनका महान् योद्धा गणेशमान सिंहको जीवन, संघर्ष र अडानलाई प्रस्तुत गरिने बताइएको छ । नेपाली राजनीतिमा उनलाई लौह पुरुष भनेर चिन्ने गरिन्छ । सिंह नेपालमा प्रजातन्त्र स्थापना र पुनर्स्थापना लागि आफ्नो सम्पूर्ण जीवन समर्पित गर्ने नेता हुन्।