रास्वपा सरकारले राज्यको ढुकुटीबाट १ हजार ३१३ सहकारीपीडितको फिर्ता दियो ४६ अर्ब बचत

काठमाडौं– सरकारले समस्याग्रस्त सहकारी संस्थाका थप २१६ जना साना बचतकर्तालाई बचत रकम फिर्ता गरेको छ ।

समस्याग्रस्त सहकारी व्यवस्थापन समितिका अनुसार सोमबार शिव शिखर बहुउद्देश्यीय सहकारी संस्थाका बचतकर्तालाई रकम वितरण गरिएको हो।

समितिले जनाएको छ कि शिव शिखर सहकारीका थप २१६ जना बचतकर्ताले आफ्नो बचत रकम फिर्ता पाएका छन् ।

सहकारीबाट असुल भएको ऋण तथा सम्पत्ति व्यवस्थापनबाट प्राप्त रकमकै आधारमा बचतकर्तालाई रकम फिर्ता गर्ने कार्य भइरहेको समितिको भनाइ छ ।

सरकारले पहिलो चरणमा कम रकम बचत गरेका साना बचतकर्तालाई प्राथमिकतामा राखेर रकम फिर्ता गरिरहेको छ ।

बचत रकमको आकारका आधारमा बचतकर्तालाई वर्गीकरण गरी क्रमशः भुक्तानी गरिने समितिले जनाएको छ ।

समितिका अनुसार हाल समस्याग्रस्त सहकारी संस्थाहरूमा करिब ७६ हजार बचतकर्ताको झन्डै ४६ अर्ब रुपैयाँ बचत फिर्ता गर्न बाँकी छ ।

तीमध्ये अधिकांश साना बचतकर्ता रहेका छन् ।

५ लाख रुपैयाँभन्दा कम बचत भएका व्यक्तिलाई साना बचतकर्ता र सोभन्दा बढी बचत भएका व्यक्तिलाई ठूला बचतकर्ताको रूपमा वर्गीकरण गरिएको छ ।

कुल बचतकर्तामध्ये करिब १८ हजार जनाको बचत ५ लाख रुपैयाँभन्दा बढी रहेको समितिले जनाएको छ ।

समस्याग्रस्त सहकारी संस्थाबाट ऋण असुली तथा सम्पत्ति व्यवस्थापनमार्फत प्राप्त रकमबाट बचतकर्तालाई रकम फिर्ता गर्ने कार्य कानुनी व्यवस्थाअनुसार निरन्तर सञ्चालन भइरहेको समितिको भनाइ छ ।

हालसम्म विभिन्न समस्याग्रस्त सहकारीका १ हजार ३१३ जना साना बचतकर्ताले आफ्नो बचत रकम फिर्ता पाइसकेका छन् ।

प्रतिक्रिया दिनुहोस्