ज्ञानबहादुर शाहीको प्रश्न– काठमाडौँ अर्बपतिको मात्रै हो कि गरिबको पनि ?

काठमाडौँ । राष्ट्रिय प्रजातन्त्र पार्टीका संसदीय दलका नेता ज्ञानबहादुर शाहीले काठमाडौँ सहर र राज्यको नीति केवल धनी र शक्तिशालीका लागि मात्रै हो कि गरिबको पनि हो भन्ने प्रश्न सोधेका छन् ।

प्रतिनिधिसभाको शुक्रबारको बैठकमा सांसद शाहीले मुगुका २५ वर्षीय युवक गणेश नेपालीले राहदानी विभाग अगाडि गरेको आत्मदाह र त्यसपछि भएको उनको निधनको विषयलाई लिएर राज्यको संवेदनशीलतामाथि गम्भीर प्रश्न उठाएका हुन् ।