‘ह्याक फर सेफ्टी’ आयोजना गर्दै नेपाल प्रहरी, देशभरका टेक प्रतिभालाई सहभागी हुन आह्वान

काठमाडौं । नेपाल प्रहरीले पहिलो पटक सरकारी स्तरमै प्रविधिमा आधारित ‘ह्याकाथन’ प्रतियोगिता आयोजना गर्ने भएको छ । लुम्बिनी प्रदेश प्रहरी कार्यालयले आगामी ३० र ३१ जेठमा बुटवलस्थित प्रहरी तालिम केन्द्रमा ३६ घण्टे ‘ह्याक फर सेफ्टी’ कार्यक्रम सञ्चालन गर्ने तयारी गरेको हो ।

नेपालमै सरकारी निकायबाट पहिलो पटक हुन लागेको यस कार्यक्रममार्फत प्रविधिको प्रयोग गरी सार्वजनिक सुरक्षालाई अझ प्रभावकारी बनाउने तथा प्रहरी र समुदायबीचको विश्वासलाई सुदृढ गर्ने लक्ष्य लिइएको प्रहरीले जनाएको छ ।